LEhen Taldea 17 abe. 2025

Alessio Lisci: "Erronda pasatu dugu, oso pozik gaude" 

Alessio Liscik prentsaurrekoa eman zuen Huesca – Osasuna partidaren ostean eta honakoa azaldu zuen: "Taldea oso pozik dago egin dugunarekin. Luzapena ez jokatzea merezi izan dugula uste dut, baina jokatu behar izan da eta kito. Gora egin dugu eta erronda pasatu dugu. Finalera iritsi zen urtea lau luzapen izan zirela uste dut eta ez dut uste talde hori txarra izan zenik edo finala jokatzea merezi ez zuenik". Gainera, honakoa gaineratu zuen: "Kopak ilusioa piztu dit lehen errondatik. Niretzat, kanporaketa guztiak zailak dira, ilusioa sortzen dit. Argi dago zenbat eta ronda gehiago egin aurrera, orduan eta pozago zaudela. Ligari minik egin gabe pasatu behar ziren kanporaketak, eta uste dut gaur arte lortu dugula. Orain hori guztia asteburuko partidara eraman behar da".

Luzapenean erabaki zen partida batek utzi zion aho zaporeaz galdetu zioten Lisci. "Mallorcak ez du errondatik pasa, Levantek ez du errondatik pasa, Celtak ez du errondatik pasa, Villarrealek ez du errondatik pasa... Kopa oso erraza da zelaira irten eta jokatzera ateratzen zaren arte, esan dugu. Ez dugu luzapenera iristea merezi izan, laurogeita hamar minutuetan irabaztea merezi izan dugula uste dut, baina ezin izan da. Baina beno, luzapena jokatu dugu eta pasa egin gara. Bide batez, eskerrak eman nahi dizkiet zaleei, beti bezala animatu gaituztelako,  sinestezina izan delako. Ebroren egunean bezala, erronda gainditu izana baloratu behar da, lehiaketa "oso erraza" baita, berriro diot, baina gero zelaira ateratzen zara eta ez da", argudiatu zuen.

Últimas noticias Ver todo